عائلة وزارة المالية

طريق واحد
 
الرئيسيةالبوابةمكتبة الصورس .و .جبحـثالتسجيلقائمة الاعضاءالمجموعاتدخول

شاطر | 
 

 آخــر اللحظــات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أم الذبيح
عضو مميز جدا


عدد الرسائل : 597
العمر : 34
تاريخ التسجيل : 18/11/2007

مُساهمةموضوع: آخــر اللحظــات   الأربعاء مارس 19, 2008 4:21 pm

التسجيــل الصــوتي للصندوق الاسـود للحظـات الأخيــرة قبـل غــرق العبـارة المصـريـة الســلام 98 في 2 فبراير 2006
*********
لتحميــل التسجيـل اضغط على
4shared.com/file/37992538/b9f95930/Black_Box_by_T_Farok
*********
النـص الكـامل للتسجيــل
صوت القبطان: ممكن تشوف فيه "سكعة" جاية من جنب يمين زيادة.. وصلنا 18 درجة
صوت القبطان: شوف كده هل فيه حاجة في الجنب يمين بتدخّل مية
لحظات سكون مع صوت صفارة في الخلفية
صوت لاسلكي: لا مفيش حاجة يا قبطان مفيش حاجة في الجنب يمين
صوت القبطان: طيب أومال إيه ؟ ده ده الطرمبة شغاله والـ واااا و"المـَـلص" بيتملي ومعملتش أي حاجة.. "السكعة" بتزيد
صوت مساعد القبطان: ..... المية في الصراف اليمين ....حد يشوف
صوت القبطان: طيب شوف هل المية بتزيد في جنب يمين ولا إيه ؟
صوت لاسلكي: بنحاول
لحظات سكون مع صوت صفارة في الخلفية
صوت مساعد القبطان: مفيش حاجة إسمها بتحاولوا مفيش حاجة إسمها هنشوف
صوت القبطان: حاولوا طب تشوفوا "المـَـلص" احنا نزلنا عشرين درجة دلوقتي يا جماعة.. المركب هتقلب
صوت مساعد القبطان: كل واحد مكانه في مكانه واحد بيتكلم يرد علينا بيريّحنا
لحظات سكون مع صوت صفارة في الخلفية
صوت القبطان: أرجوك يااا يا شيفـ يااا فيرست شوفلنا حاجة للمية لاحسن المركب "بتسكع" 20 درجة دلوقتي
صوت القبطان: تعالى علي اليمين كده واحدة واحدة
صوت مساعد القبطان: هنروح فين يمين....... يكمّل الرد بصوت ضعيف غير مسموع
صوت القبطان: أنا عايز أقول يمكن
صوت مساعد القبطان: لأ............ . يكمّل الرد بصوت غير مسموع
صوت القبطان: أصل الريح في اليمين يعني بدل ما هو... جايز هو مقصر معانا.. لو نيجي بعلُوّ شوية
صوت مساعد القبطان: خطر يا قبطان
صوت مساعد القبطان: لازم يا قبطان تستحملوا شوية
يبدأ الرعب في المركب ويبدأ الركاب في الصراخ وفي التخبيط على باب الحجرة
صوت مساعد القبطان: هَدّي الناس.. هدّي الناس.. هدّي الناااااس
صوت القبطان: كلمولنا الـ ... يعني مش عارفين يعملوا "المـَـلص" أنا مش قادر أفهم برضه يعني
صوت أشياء تسقط نتيجة للميل الكبير في المركب
صوت مساعد 2: السكعة دلوقتي 25 يا قبطان
تبدأ أصوات الصفارات المتقطعة في البدء منبهة ان هناك خطر جسيم
صوت مساعد 2: الوضع خطر جداً يا قبطان دلوقتي
صوت القبطان: أطلب ضومان.. أطلب ضومان.. أطلب ضومان
ضومان: كلمة غريبة أعتقد إنها تعني اطلب نداء إستغاثة
تستمر الأشياء في السقوط وتتعالى أصوات الركاب والصراخ يملأ المكان
صوت مساعد 2: المركب بتغرق يا قبطان
صوت القبطان: أطلب ضومان
صوت مساعد 2: النـــاس
أنا هأقف هنا عند الصوت ده، صوته خلاّني أبكي، إفتكر مسئوليته، الوحيد اللي إفتكر الناس في اللحظة دي
لمّا هتسمعه الصوت هتحسّوا إنه خايف فعلاً، صوته مرعب.. صوت النفس بتاعه خلى جسمي يقشعر.. تخيلت نفسي مكانه، تخيلت نفسي شايف اللي هو شايفه، ناس بتغرق ناس بتجري ناس بتصرخ.. لحظة مميتة.. والظلام والبرد والبحر من كل اتجاه بالخارج يرسم صورة مرعبة للمصير الأخير
صوت القبطان: كله شمال
صوت مساعد 2: كله شمال
صوت مساعد 2: المركب بتغرق.. المركب بتغرق يا قبطان
صوت القبطان: أطلب ضومان
صوت مساعد 2: الناس
صوت القبطان: كله شمال
صوت مساعد 2: كله شمال
صوت مساعد 2: المركب بتغرق يا قبطان
صوت القبطان: كله شمال
صوت القبطان: كله شمال
صوت القبطان: كله شمال
صوت مساعد 2: المركب غـرقت يا قبطان
صوت الركاب يظهر من الخارج: لا حول ولا قوة الإ بالله.. لا حول ولا قوة الإ بالله
صوت مساعد 3: أشهد أن لا إله الإ الله ... وأشهد أن محمداً رسول الله
صوت مساعد 2: المركب غـَرقت يا قبطان
صوت القبطان: إستنّونا بس يا جماعة
صوت مساعد 2: إستنونا إيه يا قبطان المركب غـَرقت
صوت مساعد 2: مفيش لايف جاكيت هنا يا جماعة... أي لايف جاكيت
.......صوت القبطان: هاتوا لنا
...........
انتهى التسجيل وانتهت معـه ألـف حيـاة
*********
عبارة السلام 98
عبارة السلام 98 هي عبارة بحرية مصرية عائدة لشركة السلام للنقل البحري التي تمتلك 15 زورقا بحريا لنقل المسافرين عبر البحر الأحمر بين موانئ مصر والسعودية و الأردن. غرقت وهي في طريقها من ضبا بالسعودية الى سفاجا وكانت السفينة تحمل 1312 مسافرا و 98 من طاقم السفينة
كانت هناك آراء متضاربة عن العدد الإجمالي للأشخاص الذين كانوا على متن السفينة فاستنادا على تصريحات محافظ البحر الأحمر، فان العبارة كانت تقل 1415 شخصا بينهم 1310 من الجنسية المصرية بالإضافة إلى طاقم الملاحة المؤلف من 104 أفراد وذكرت قناة النيل المصرية الرسمية أن 115 أجنبيا على الأقل كانوا على متن العبارة، بينهم 99 سعوديا. وكان معظم المسافرين مواطنين مصريين كانوا يعملون في السعودية وبعض العائدين من أداء مناسك الحج وكانت السفينة تحمل ايضا 220 سيارة على متنها
*********
تاريخ السفينة
تم بناء السفينة في عام 1970 من قبل شركة
Italcantieri S.p.A
لصنع السفن الكبيرة في ايطاليا و اطلقت الشركة تسمية
بوكاشيو Boccaccio
على السفينة وكانت تستعمل في البداية للرحلات البحرية المحلية داخل المياه الإيطالية وكان طول السفينة 131 متر وكانت السرعة القصوى للسفينة 19 عقدة وقوة محركها 16,560 كيلوواط وكانت سعتها انذاك 500 راكب و 200 سيارة. تم تطوير السفينة في عام 1991 لتتسع لعدد اكبر من المسافرين وبلغت السعة النهائية 1300 راكب و 320 سيارة
قامت شركة السلام بشراء هذه السفينة في عام 1998 واطلقت على السفينة اسم السلام 98
*********
غرق السفينة
في 2 فبراير 2006 اختفت عبارة السلام 98 على بعد 57 ميلا من مدينة الغردقة المصرية على ساحل البحر الأحمر واشارت التقارير الأولية عن بعض الناجين من الحادثة الى ان حريقا نشب في غرفة محرك السفينة وانتشر اللهيب بسرعة فائقة وانتشرت العديد من الفرضيات حول اسباب الغرق والتي يمكن اختصارها بالتالي
أولاً: اشتعال النيران في المحرك
ثانياً: التطويرات التي أجريت على السفينة في الثمانينيات وبداية التسعينيات والتي حسب رأي البعض كانت عاملا في عدم ثبات السفينة في مواجهة الرياح الشديدة
علماً ان السفينة مرخصة للعمل حتى عام 2010
وكانت تلتزم بشروط الأمن والسلامة حسب ناطق باسم شركة السلام وكانت الظروف الجوية جيدة للملاحة حسب تقارير الأنواء الجوية التي سجلت 24 عقدة لسرعة الريح وحرارة 25 درجة مئوية للماء ورؤية جيدة للافق لمسافة 10 كم
وكانت غرفة عمليات الإنقاذ في أسكتلندا قد التقطت أول اشارات الأغاثة من السفينة وقامت بنقلها عبر فرنسا الى السلطات المصرية.. وعرضت المساعدة
السلطات المصرية من جهتها قالت أنها لم يصلها خبر وجود مشكلة بالعبارة (من الشركة المالكة) إلا بعد 6 ساعات من استغاثة العبارة
*********
مصير القبطان
قال العديد من الركاب أن القبطان كان أول من غادر العبارة وأنهم شاهدوه يغادر العبارة على متن قارب صغير مع بعض معاونيه..إلا أن الأخبار الواردة من مصر لم تشر للقبطان في البداية، ثم ما لبثت أن أشارت إلى أن بعض طاقم السفينة أفاد بوجود القبطان في غرفة القيادة مع كبير المهندسين حتى اللحظة الأخيرة وأوامره لهم بالخروج والنجاة بأنفسهم
*********
عمليات البحث والإنقاذ
في الساعة 23:58
UTC
من 2 فبراير 2006 التقطت غرفة الإنقاذ الجوية-البحرية التابعة لسلاح الجو البريطاني في مدينة كِنْلوس في أسكتلندا اشارات استغاثة اوتوماتيكية ساتلية من السفينة وقامت الغرفة بنقل الأشارات الى السلطات المصرية عن طريق فرنسا.. وفي 3 فبراير نقلت وكالة رويتر تقارير عن عشرات الجثث الطافية على سطح البحر الأحمر وقامت 4 فرقاطات مصرية بعمليات البحث و الأنقاذ وقامت السفينة الحربية البريطانية
HMS Bulwark
بالإنحراف عن مسارها المعتاد للمساعدة في عمليات الأنقاذ ورفضت السلطات المصرية عرضا من القوات البحرية الاسرائيلية بالمساعدة في عمليات الأغاثة.. إلا أن السلطات المصرية وافقت على عرض للمساعدة قدمته طائرة الإستطلاع الأمريكية
P-3 Orion
بعدما كانت قد رفضت العرض قائلة أن لا حاجة للمساعدة
وكانت هناك تقارير عن قيام قبطان بنغالي بإنقاذ 33 من ركاب العبارة
*********
حوادث مماثلة
عام 1991: عبارة مصرية أخرى، سالم اكسبريس، غرقت أمام السواحل المصرية بعد الإرتطام بشعاب مرجانية.. 464 مصري لقوا حتفهم في هذا الحادث. الحطام الغارق للسفينة الآن أصبح معلَماً لرياضة الغوص
في 17 اكتوبر 2005: العبارة "فخر السلام 95"، المملوكة لنفس الشركة صاحبة السلام 98، غرقت بالبحر الأحمر بعد الإصطدام بالشاحنة القبرصية التسجيل "جبل علي".. في تلك الحادثة قتل شخصان واصيب 40، بعضهم في التدافع لمغادرة العبارة الغارقة
بعد إخلاء كل ركاب وطاقم العبارة المصرية جنحت الشاحنة جبل علي، بينما غرقت العبارة فخر السلام 95 في ثلاث دقائق ونصف
*********
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سومه
عضو نشيط


عدد الرسائل : 212
تاريخ التسجيل : 27/10/2007

مُساهمةموضوع: رد: آخــر اللحظــات   الأربعاء مارس 19, 2008 8:19 pm

لمجرد قراءة عبارات الاستغاثه انتابنى شعور بالزعر والفزع .
الله يكون فعون الضحايا واهلهم .
ومما يزيد الامر حزنا هروب الجناه.
رحم الله اموات المسلمين . أسف
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
haneeen
Admin


عدد الرسائل : 1337
تاريخ التسجيل : 09/11/2007

مُساهمةموضوع: رد: آخــر اللحظــات   الخميس مارس 20, 2008 2:41 pm

اقتباس :

علماً ان السفينة مرخصة للعمل حتى عام 2010
وكانت تلتزم بشروط الأمن والسلامة حسب ناطق باسم شركة السلام وكانت الظروف الجوية جيدة للملاحة حسب تقارير الأنواء الجوية التي سجلت 24 عقدة لسرعة الريح وحرارة 25 درجة مئوية للماء ورؤية جيدة للافق لمسافة 10 كم
أثبتت التحقيقات أن السفينة كانت مخالفة كل شروط الأمان والسلامة وتم تشغليها
العيب يقع على السلطات البحرية المصرية -- التى منحت صلاحية عمل هذه السفينة فى ظل المخالفات العديدة
لهذه السفينة
هل مات الضمير
هل قبضوا
هل تنقصهم الخبرة
عموما مسئولية الغرقى فى هذه السفينة فى رقبتهم
Smilies2072 Smilies2072
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
site admin
Admin


عدد الرسائل : 2065
الموقع : USA
تاريخ التسجيل : 09/09/2007

مُساهمةموضوع: رد: آخــر اللحظــات   الخميس مارس 20, 2008 6:57 pm

اقتباس :

أثبتت التحقيقات أن السفينة كانت مخالفة كل شروط الأمان والسلامة وتم تشغليها
العيب يقع على السلطات البحرية المصرية -- التى منحت صلاحية عمل هذه السفينة فى ظل المخالفات العديدة

متفقة مع كلام haneen
تم المحاكمة ورضيت الأطراف المتضررة بالتعويض المادى
والمالك حصل على تأمين قدرة 5 مليون دولار
وخرج من مصر بمساعدة المسئولين الكبار
وعايش فى لندن
وانتهت القضية
والله هو المنتقم الجبار
وراد الحقوق يوم الدين
41 41 41
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://wezaraty.ahlamontada.com
 
آخــر اللحظــات
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عائلة وزارة المالية :: الفنون والثقافة والهوايات :: قرأت لك-
انتقل الى: