الإنتماء

أول حاجة حبيت أحط الموضوع ده علشان نخلي في حاجة كدة تجمعنا كلنا سواء بمواقف أو كلمات أو قصص حصلت معانا ..
الموضوع ده حيخلينا نفهم بعض ونفهم المجتمع
لما كل واحد فينا يتكلم عن حادثة أو موقف محزن أو كلمة اغضبتك واثارت بيك الغيرة على دينك وربك ورسولك.. عن موقف خلاك بلحظة تغيب عن الوعي وتجري ورا الدنيا {والعياذ بالله} .. عن حادث حصل قدامك وفيه إهانة لربك ودينك زي مثلا والعياذ بالله منسمع كتير دلوقتي ناس مابتعملش حساب لربنا "وبتكفر" بكلمات بذيئة كلها حرام بحرام
.... الناس دلوقتي تغيرت يا إخوان وعاوزة قوة وصبر .. لازم نلاقي حل يليق بينا
لازم نغير إللي جاونا .. نعمل حاجة تأثر فينا للخير والعطاء ومش بس إحنا
عاوز كل الناس تفكر وتتعلم إنو الحياة مشاركة وحب وتفاهم..
ياريت ياريت لو كلنا نسترجع بعض المواقف والحوادث الصغيرة اللي بتحصل كتير كل يوم وكل ساعة وكل دقيقة ..
الزمن ماشي بتسارع رهيب .. واحنا خلينا نلحق بعضينا ونرقي بأنفسنا لأعلى الدرجات .. ونحاول مع بعضينا نلاقي الحل الأمثل للمواقف الصغيرة قبل الكبيرة




حبدأ معاكم بحاجة بسيطة جدا
وإللي هية .. الانتماء ..
الإنتماء يا إخوان هو الولاء للأسرة الطاعة للوادين
بمعنى إنو الفرد للكل والكل للفرد .. مانتسرعش بالأحكام .. مانتسرعش ونخلي الشيطان يلعب بعقولنا .. والعياذ بالله .. الخروج عن طاعة الوالدين من أكبر الكبائر .. ( إن رضى الله من رضى الوالدين) يقول الله تعالى : {فلا تقل لهما أف ولا تنهرهما وقل لهما قولا كريما} [ ص: 184 ] الآية الرابعة





"بقلم أخي جمال"



مرة حصللي موقف بجد كان من أصعب المواقف اللي مريت بيها
الموقف دا أبكاني بكاء مرير جدا لأنو حصل مع أعز صديق لية .. صاحبي ده كان شخصية طائشة وماكانش بيصللي .. ولما يكون هناك صلاة جنازة كنت بحاول أخليه يصلي معانا ويشوف الميت إزاي بيندفن ..{وَإِنَّا إِلَى رَبِّنَا لَمُنقَلِبُونَ} الزخرف آية 14



كنت وقتها خلصت صلاة الجمعة .. وكانت هناك جنازة سوف تقام لشخص قد توفاه الله في ليلة الجمعة .. صلينا الجنازة وطلعنا عالدفن وخلصنا كل حاجة ودعينا وطلبنا المغفرة ورجعت البيت كنت مازلت متأثرا بصلاة الجنازة على الميت -رحمه الله-

كلنا حنموت ..


{كُلُّ نَفْسٍ ذَائِقَةُ الْمَوْتِ وَنَبْلُوكُم بِالشَّرِّ وَالْخَيْرِ فِتْنَةً وَإِلَيْنَا تُرْجَعُونَ} ص35

كلنا حنموت يا إخوان

بعدها كلمني صاحبي عالتلفون وكان زعلان اوي وقللي عاوزك بكلمتين
شوفو سبحان الله الإنسان لما يتملكو إبليس والعياذ بالله
أنا جريت بسرعة عليه وخفت فتكرت في حاجة كبيرة حصلت
قللي: عاوز أبعد عن اهلي تخانقت معاهم وتركت البيت
"وعندما قال هذه الجملة اهتز لها قلبي كهتزاز الجبل"
نصحتو كتير ولكن بلا فائدة ..شوفو سبحان الله عند اقتراب القدر يعمى البصر .. سبحان الله العظيم .. وتاني يوم رجع..ماقدرش يخون نفسو..ويخون ربو ..عاوز يستسمح أمو..الوقت كان ظهرا .. وكنت وقتها بالمسجد منصللي جماعة صلاة الجنازة على شخص ميت..لم أكن أعلم من الميت .. وفجأة يدخل علينا المسجد وبدأ يصللي !!!... سبحان الله كمل معانا صلاة الجنازة وهو يبكي .. وحملنا المتوفى وذهبنا به إلى المقبرة ومازال صديقي يبكي حتى ظننت أنه سيصاب بسكتة من البكاء .. عمري ماشفتو بيبكي بهذه الحرقة قبل كدة .. وعندما ذهبنا إلى القبر وخلاص حندفن الجثة

{وَيَبْقَى وَجْهُ رَبِّكَ ذُو الْجَلَالِ وَالْإِكْرَامِ} الرحمن ص 27

بدأ صوت بكاءه يعلو ويعلو أكثر كلما قربنا الجثة إلى التراب .. فسألتو يا فلان هل الميت يقربك ؟؟ هل الميت من أهل بيتك؟؟ ما جوبنيش كان بكاؤه أقوى منو ودفنا الميت رحمه الله عليه .. ومازال صديقي يبكي ويبكي حتى ظننت أن صدره سينفجر من البكاء
وسبحان الله .. بس وصلنا المسجد سألتو هل للصلاة علاقة ببكائك فأجابني .. الميت تكون أمي ..
سبحان الله صاحبي اللي عمري ماتوقعت يكون كدة
كان بيهرب من كل صلاة جنازة
كان بخاف يشوف الميت بيندفن
وهو شاف أمو وهي بتندفن .. ولم يتكلم ولا كلمة واحدة
ومن بعدها التزم بالصلاة
بس بعد ما فقد أغلى من في الحياة
سبحان الله
ده موقف كان من اكثر المواقف اللي فعلا اثرت فية أوي

وان شاء الله نكون من الصالحين العابدين الشاكرين الناصحين
وربنا يكرمكم ويجزيكم كل الخير

والسلام عليكم ورحمة الله وبركاته

منقول من موقع الاستاذ عمر خالد