عائلة وزارة المالية

طريق واحد
 
الرئيسيةالبوابةمكتبة الصورس .و .جبحـثالتسجيلقائمة الاعضاءالمجموعاتدخول

شاطر | 
 

 ربـاعيّـات جـاهيـن

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أم الذبيح
عضو مميز جدا


عدد الرسائل : 597
العمر : 34
تاريخ التسجيل : 18/11/2007

مُساهمةموضوع: ربـاعيّـات جـاهيـن   الثلاثاء أبريل 08, 2008 2:29 am





في يوم صحيت شاعر براحة وصفا
الهم زال والحزن راح واختفى
خدني العجب وسألت روحي سؤال
أنا مت؟ ولا وصلت للفلسفة
عجبي
*******
الفيلسوف قاعد يفكّر.. سيبوه
لا تعملوه سلطان ولا تصلبوه
ما تعرفوش إن الفلاسفه ياهوه
اللي يقولوه بيرجعوا يكدّبوه
عجبي
*******
كان فيه زمان سحليه طول فرسخين
كهفين عيونها وخشمها بربخين
ماتت لكين الرعب لم عمره مات
مع إنه فات بدل التاريخ تاريخين
عجبي
*******
عجبتني كلمة من كلام الورق
النور شرق من بين حروفها وبرق
حبيت أشيلها ف قلبي.. قالت حرام
ده أنا كل قلب دخلت فيه اتحرق
عجبي
*******
على بعد مليون ميل من أرضنا
من الفراغ الكوني بصيت أنا
لا شفت فرق بين جبال وبحور
ولا شفت فرق مابين عذاب أو هنا
عجبي
*******
إنسان.. أيا إنسان ما أجهلك
ما أتفهك في الكون وما أضألك
شمس وقمر وسدوم وملايين نجوم
و فاكرها ياموهوم مخلوقه لك
عجبي
*******
نظرت فوق للنجوم وانا ساير
رجليا عترت في الحفر والحجاير
بقيت أقول وانا ع التراب: ياسلام
مش بس عبره أخذت لكن عباير
عجبي
*******
يا نجم.. نورك ليه كده بيرتجف؟
هو انت قنديل زيت؟ أو تختلف
أنا نجم عالي.. بس عالي قوي
و كل ما انظر تحت اخاف انحدف
عجبي
*******
السم لو كان في الدوا منين يضر؟
و الموت لو عدونا.. منين يسرّ؟
حط القلم في الحبر واكتب كمان
والعبد للشهوات.. منين هو حرّ؟
عجبي
*******
وقفت بين شطين على قنطرة
الكدب فين والصدق فين ياترى
محتار ح اموت.. الحوت خرج لي وقالي
هو الكلام يتقاس بالمسطرة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
site admin
Admin


عدد الرسائل : 2065
الموقع : USA
تاريخ التسجيل : 09/09/2007

مُساهمةموضوع: رد: ربـاعيّـات جـاهيـن   الجمعة أبريل 11, 2008 9:33 pm

medium-smiley-021 medium-smiley-021
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://wezaraty.ahlamontada.com
أم الذبيح
عضو مميز جدا


عدد الرسائل : 597
العمر : 34
تاريخ التسجيل : 18/11/2007

مُساهمةموضوع: رد: ربـاعيّـات جـاهيـن   الثلاثاء مايو 06, 2008 6:14 pm

ورا كل شباك ألف عين مفتوحين
و انا وانتي ماشيين ياغرامي الحزين
لو التصقنا نموت بضربة حجر
و لو افترقنا نموت متحسّرين
عجبي
*******
نوح راح لحاله والطوفان استمر
مركبنا تايهه لسه مش لاقيه برّ
آه م الطوفان وآهين يا بر الأمان
إزاي تبان والدنيا غرقانه شرّ
عجبي
*******
على رجلي دم.. نظرت له ما احتملت
على إيدي دم.. سألت ليه؟ لَمْ وصلت
على كتفي دم.. وحتى على راسي دم
أنا كلي دم.. قتلت؟.. ولاّ اتقتلت
عجبي
*******
ينبوع وفي الحواديت أنا سمعت عنه
إنه عجيب.. وف وسط لهاليب.. لكنه
شقيت كما الفرسان طريقي.. لقيت
حتى الخنازير والكلاب شربوا منه
عجبي
*******
ياقرص شمس مالهش قبة سما
ياورد من غير أرض شب ونما
ياأي معنى جميل سمعنا عليه
الخلق ليه عايشين حياه مؤلمة
عجبي
*******
شاف الطبيب جرحي وصفله الأمل
وعطاني منه مقام يادوب ما اندمل
مجروح جديد ياطبيب وجرحي لهيب
ودواك فرغ مني.. وإيه العمل؟
عجبي
*******
أعرف عيون هي الجمال والحسن
واعرف عيون تاخد القلوب بالحضن
وعيون مخيفة وقاسية وعيون كتير
وباحس فيهم كلهم بالحزن
عجبي
*******
إيش تطلبي يانفس فوق كل ده
حظك بيضحك وانتي متنكده
ردت قالت لي النفس: قول للبشر
ما يبصوليش بعيون حزينة كده
عجبي
*******
إقلع غماك يا تور وارفض تلف
إكسر تروس الساقية واشتم وتِف
قال: بس خطوة كمان.. وخطوة كمان
يااوصل نهاية السكة ياالبير تجف
عجبي
*******
ياحزين ياقمقم تحت بحر الضياع
حزين أنا زيك وإيه مستطاع
الحزن ما بقالهوش جلال ياجدع
الحزن زي البرد.. زي الصداع
عجبي
*******
انا كل يوم أسمع.. فلان عذّبوه
أسرح في بغداد والجزاير واتوه
ما أعجبش م اللي يطيق بجسمه العذاب
واعجب من اللي يطيق يعذّب أخوه
عجبي
*******
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
cond
Admin


عدد الرسائل : 536
تاريخ التسجيل : 09/09/2007

مُساهمةموضوع: رد: ربـاعيّـات جـاهيـن   الثلاثاء مايو 06, 2008 9:57 pm

اقتباس :


انا كل يوم أسمع.. فلان عذّبوه
أسرح في بغداد والجزاير واتوه
ما أعجبش م اللي يطيق بجسمه العذاب
واعجب من اللي يطيق يعذّب أخوه
عجبي
صلاح جاهين علامة وعلم من اعلام مصر
sport-smiley-002 sport-smiley-002
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أم الذبيح
عضو مميز جدا


عدد الرسائل : 597
العمر : 34
تاريخ التسجيل : 18/11/2007

مُساهمةموضوع: رد: ربـاعيّـات جـاهيـن   السبت مايو 24, 2008 3:42 pm

من بين شقوق الشيش وشقشقت لك
مع شهقة العصافير وزقزقت لك
نهار جديد انا.. قوم نشوف نعمل ايه
انا قلت يا ح تقتلني.. يا ح اقتلك
عجبي
*******
جالك أوان ووقفت موقف وجود
يا تجود بده ياقلبي.. يا بده تجود
ما حد يقدر يبقى على كل شئ
مع إن –عجبي– كل شئ موجود
عجبي
*******
جالك اوان وعرفت مشي الجنايز
كيف شفتها ياعبد رب اللذايذ
قال: شفت شيل بالحيل فقير أو أمير
كما شالوا في الخمامير فواضي القزايز
عجبي
*******
أنا كنت شئ وصبحت شئ ثم شئ
شوف ربنا.. قادر على كل شئ
هز الشجر شواشيه ووشوشني قال
لابد ما يموت شئ عشان يحيا شئ
عجبي
*******
يامشرط الجراح أمانة عليك
وانت ف حشايا تبص من حواليك
فيه نقطة سوده في قلبي بدأت تبان
شيلها كمان.. والفضل يرجع إليك
عجبي
*******
كيف شفت قلبي والنبي ياطبيب
همد ومات ولاّ سامع له دبيب
قالّي لقيته مختنق بالدموع
ومالوش دوا غير لمسه من إيد حبيب
عجبي
*******
تسلم يا غصن الخوخ يا عود الحطب
بييجي الربيع.. تطلع زهورك عجب
وانا ليه بيمضي ربيع وييجي ربيع
ولسه برضك قلبي حتة خشب
عجبي
*******
قلبي عليل يا ناس وفي الكاس دواه
مديت له إيدي شربت م اللي حواه
جنبي الشمال خف.. اليمين اتوجع
وإيه يداوي الكبد م اللي كواه
عجبي
*******
دخل الشتا وقفل البيبان ع البيوت
وجعل شعاع الشمس خيط عنكبوت
وحاجات كتير بتموت في ليل الشتا
لكن حاجات أكتر بترفض تموت
عجبي
*******
دي مذكرات وكتبتها من سنين
في نوتة زرقا لون بحور الحنين
عترت فيها.. رميتها في المهملات
وقلت صحيح أما صحيح كلام مخبولين
عجبي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
haneeen
Admin


عدد الرسائل : 1337
تاريخ التسجيل : 09/11/2007

مُساهمةموضوع: رد: ربـاعيّـات جـاهيـن   السبت مايو 24, 2008 9:13 pm

mixed-smiley-011 mixed-smiley-011
mixed-smiley-011
THINKYOU
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أم الذبيح
عضو مميز جدا


عدد الرسائل : 597
العمر : 34
تاريخ التسجيل : 18/11/2007

مُساهمةموضوع: رد: ربـاعيّـات جـاهيـن   الأحد مايو 25, 2008 12:35 am

كيف شفت قلبي والنبي ياطبيب
همد ومات ولاّ سامع له دبيب
قالّي لقيته مختنق بالدموع
ومالوش دوا غير لمسه من إيد حبيب
عجبي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
site admin
Admin


عدد الرسائل : 2065
الموقع : USA
تاريخ التسجيل : 09/09/2007

مُساهمةموضوع: رد: ربـاعيّـات جـاهيـن   الأحد مايو 25, 2008 11:48 pm

thanks thanks
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://wezaraty.ahlamontada.com
أم الذبيح
عضو مميز جدا


عدد الرسائل : 597
العمر : 34
تاريخ التسجيل : 18/11/2007

مُساهمةموضوع: رد: ربـاعيّـات جـاهيـن   الأربعاء يونيو 25, 2008 9:07 pm

الدنيا من غير الربيع ميّته
ورقة شجر ضعفانه ومفتته
لا يا جدع غلطان تأمل وشوف
زهر الشتا طالع في عز الشتا
عجبي
*******
ياللي انت بيتك قش مفروش بريش
تقوى عليه الريح.. يصبح ما فيش
عجبي عليك حواليك مخالب كبار
و مالكش غير منقار وقادر تعيش
عجبي
*******
سمعت نقطة ميّه جوه المحيط
بتقول لنقطة ما تنزليش في الغويط
أخاف عليكي م الغرق.. قلت أنا
ده اللي يخاف م الوعد يبقي عبيط
عجبي
*******
بحر الحياة مليان بغرقى الحياه
صرخت خش الموج في حلقي ملاه
قارب نجاه.. صرخت قالوا مفيش
غير بس هو الحب قارب نجاه
عجبي
*******
النهد زي الفهد نط اندلع
قلبي انهبش بين الضلوع وانخلع
ياللي نهيت البنت عن فعلها
قول للطبيعة كمان تبطل دلع
عجبي
*******
صوتك يا بنت الإيه كأنه بدن
يرقص يزيح الهم يمحي الشجن
ياحلوتي وبدنك كأنه كلام
كلام فلاسفه سكروا نسيوا الزمن
عجبي
*******
كرباج سعادة وقلبي منه انجلد
رَمَح كأنه حصان ولف البلد
ورجع لي نصل الليل وسألني.. ليه
خجلان تقول انك سعيد يا ولد
عجبي
*******
مزيكة هادية الكون فيها انغمر
وصيف وليل وعقد فل وسمر
ياهلتري الناس كلهم مبسوطين
و ياهلتري شايفين جمال القمر؟
عجبي
*******
آه لو انا ومحبوب جزنا الفضا
في سفينة وحدينا.. وأشياء رضا
ساعة صفا تعجبنا نرجع لها
والهم قبل ما ييجي.. يبقى مضى
عجبي
*******
إنشد يا قلبي غنوتك للجمال
وارقص في صدري من اليمين للشمال
ما هوش بعيد تفضل لبكره سعيد
ده كل يوم فيه الف الف احتمال
عجبي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ربـاعيّـات جـاهيـن
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عائلة وزارة المالية :: الفنون والثقافة والهوايات :: فنون الشعر-
انتقل الى: