حيـاة غير طبيعيـة

حيـاة غير طبيعيـة

سألتُ صديقي مرة عن سر إصراره في تجربة كل جديد لتحقيق دخل يقدر يحقق بيه أحلامه، بالطبع من حق كل شخص إنه يحلم ويحاول يحقق حلمه بالطريقة اللى شايفها، لكن مش كل الناس عندهم شجاعة وإصرار وعزيمة صديقي العزيز ده
مرة نلاقيه عمل مشروع على الانترنت، ومرة تانية بيعمل تسويق منتجات عليه، ومرة تالتة ابتدى يشتغل في البورصة، أنا استغربت طبعا من أسلوبه في التفكير خصوصا إن كل مجال جديد بيدخله بيصرف عليه مبلغ معين لغاية لما يقدر يرجع الفلوس دي تاني مع الوقت ومافيش مكسب
*******
المهم لما جيت سألته ايه اللى يخليه يخاطر بجزء من دخله ووقته في أفكار ومشاريع مختلفة ومش مضمون النجاح فيها رغم إن دخله من الشغل الأساسي بتاعه معقول وكويس
الرد بتاعه خلاني أفكر في حاجات كتير، كان رده بكل سهوله واختصار، قاللي: يا أبو علي، إحنا عايشين ظروف غير طبيعية يبقى من الصعب ومن المستحيل إنك تحاول تفكر انك تعيش بطريقة طبيعية، لما تكون مشاكلك مشاكل غير عادية، يبقى أكيد الحل لازم يكون غير عادي
أعتقد انه عنده حق في كلامه، جه في دماغي نموذج لكتير من الشباب متحدي الإعاقة لما بيفكروا إنهم يلعبوا رياضة ويتفوقوا فيها، أكيد برضه هو ده تفكيرهم، من المستحيل إن الإنسان المعوّق إنه يقدر يعيش حياته بصورة طبيعية زي بقية الشباب، يبقى أكيد في حل غير طبيعي يقدر يتغلب بيه على مشاكله
*******
من الصعب.. بل من العبث، أن يحاول الانسان أن يعيش حياته بصورة طبيعية عندما تكون ظروفه غير طبيعية
*******

بس انا اعرف ان ممكن الظروف المش طبيعه تعمل حاجات كتير طبيعه وهذا لايكتر على الله رب العالمين ..
1157922713