عائلة وزارة المالية

طريق واحد
 
الرئيسيةالبوابةمكتبة الصورس .و .جبحـثالتسجيلقائمة الاعضاءالمجموعاتدخول

شاطر | 
 

 رسالة من طبيب ( مصري ) في طريقه إلي ( غزّة )

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
omar
عضو نشيط


عدد الرسائل : 313
تاريخ التسجيل : 24/12/2007

مُساهمةموضوع: رسالة من طبيب ( مصري ) في طريقه إلي ( غزّة )   الثلاثاء مارس 10, 2009 10:08 pm

رسالة من طبيب ( مصري ) في طريقه إلي ( غزّة )
الشاعرة : زينات القليوبي
*******************************
لمّا تصحِي وتناديني
لاجل أصلي معاكي
فجرك ..
ماتلاقيش مني
جواب ؟!
حاولي ياامّه تُعذريني
واعرفي ياامّه .. إني
فاكرك
مهما حايطـــــــــــول
الغياب ؟!
...
ع المخدّه .. فوق
سريرك
راح تلاقي هناك
جواب
صحّي أخويا .. يقراهولك
فيه بااقولك ..
ع الحقيقة
ليه سافرت .. ف نــُــص
ليلي
ليه بااطير يمّ .. الحريقه ؟!
ليه بقيت بالصبر
كافر ؟!
ليه عبرت من
( المعابر ) ؟؟؟
ليه ( مضيت ) علي
مسئوليتي
إني ( شخص ) مالُهش
( ديّه ) ؟!!
وإني راضي .. مهما يحصل
إن روحي .. تروح
ضحيه ؟!
...
ع ( الجزيرة ) شُفت
ياامّه
( غزّة ) واقفه .. ف نار
قويّه
الصّهاينه ولعوها ..
دمروها
والعيال .. قدامها
ماتوا ؟!!
واليهود .. ع الجثه
فاتوا
وف إيديها ( حفيد )
بيصرخ
من قنابل ( فسفوريّه ) !!!
وإلتقيت النار ف جسمي
غصب عني .. والعـــــــه
فيّ
قولي حاابقي إزاي
( طبيب )
لو أنا ( عنه ) أغيب ؟!!
ولا يبقي فين ( ضميري )
لو أنا ..
( بعت القضيه ) ؟!!
...
خدت ( شنطة ) إسعافاتي
سِبت أولادي ..
ومراتي
مش مهم تهون
حياتي
المُهم .. ألحق
( حفيد )
جي ..
( بالفجرالجديد )
...
( غــــــــزّة جِدّه )
مات .. ضناهــــا ...
( باانقـــذك ياامّه )
معاها !!
أصلي ( شُفتك ) ياامّه
فيها ؟!
طيرت أقدم .. روحي
ليها ...
...
لو قالولك ( عني )
مات ...
قومي ياامّه .. من
سُكات
واحضني .. بِدالي
ولادي
واحرُسيهم م الأعادي
أصلهم ( زاحفين )
عليكي
شيلي دمعك من
عنيكي
( خلي أخويا يشيل سلاحه )
اللي ( صدّي )
ع الحيطان
واللي متعلق ( كذكري )
من زمان !!
حضّريله
( البُندقيه )
علّميه ياامّه
( النِيشان )
وازرعي فيه الرُجوله
والشجاعه والبُطولـــه
خلّي ( أخويا ) يحس
بيّ
يحمي ( أيامي ) اللي
(راحوا ) ؟!
يحمي ( أيامه ) اللي
( جيّه ) ...
( حمّليه المسئولية )
لاجل ياامّه
( يصون ولادي )
...
وآما يسأل ( إبني )
عني
طمّنيه ياامّه ..
عليّ
قولي إني .. كنت
راجل
كنت آد المسئوليه
قولي كنت ..
( طبيب فدائي )
ضحي لاجل
( الإنسانيه )
...
بس داري عنُه ياامّه
حاجه واحده .. حزّه
فيّ ؟!
إوعي ياامّه .. تقولي
لإبني

إني ( شخص ) مالُهش .. ديّه !!!

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
رسالة من طبيب ( مصري ) في طريقه إلي ( غزّة )
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عائلة وزارة المالية :: الفنون والثقافة والهوايات :: فنون الشعر-
انتقل الى: