تعارف

اهلا وسهلا بكى يا امة الله ونورتى المنتدى وانا قرات موضوعاتك وعجبتى وعلقت عليها وارجو منك ايضا ان تعلقى على الموضوعات فى المنتدى لنستفيد بوجة نظرك

اهلا بيكى واحنا كمان حبين نتعرف بوحدة جميله مثلك وده باين من كتباتك
وانا عندى اقتراح ازاى نتعرف على بعض
وهو انحنا نختار كل اسبوع واحدة نتعرف عليها
يعنى اية اول واحده تعلق على موضوعى تختار عضوه نسألها شوية أسأله علشان نتعرف عليها
ومع نهايه الاسبوع العضوة الى تشترك اخر واحدة تكون هى العضوة الجديده الى هنسألها وانا برشح الاسبوع ده admin لو موفقين ابداوا معايا

أنا موافقة
بس سوف يكون فى احراج للأعضاء لآن هناك من يتحرج من تعريف نفسة بوضوح لآن هناك أعضاء من داخل وخارج الوزارة
أنا أجد أن تكون هناك حرية فى أن يقدم العضو نفسة أو لايقدم نفسة
ممكن تحددى لنا يأم الذبيح
ما هى المعلومات التى تود أن يقدمها كل عضو عن نفسة
ممكن بالاجابة على هذه الأسئلة نتعرف على الأعضاء --
ويكون كل عضو الحرية الكاملة فى عدم الأجابة على السؤال الذى لا يرغب فى الاجابة علية
فى أنتظار الأسئلة
جهزى الأسئلة

انا معاكى فان فى اعضاء من خارج الوزارة لانى انا مش تبع الوزارة خالص انا عضوة غريبة عن الوزارة تماما
بس انا كان قصدى مش المسأل الشخصيه اوى يعنى الهوايات الدراسة بتحب مين اوى فى المنتدى اية هو القسم الى هى بتفضلة اكثر
وانا هبتدى بالاسأله
1- اية هو الحلم الى admin كانت عمرها كله بتحلم بيه وحققته ولا لا واستفادت منه ولا ايه

أنا معك

ممكن نتعرف على بعض
من خلال الهويات
والأمنيات
وشئ من هذا القبيل مع عدم التعرض للأمور الشخصية
شكرا على الفكرة الرائعة
وعايزة أتعرف عليك

الدعوة للتعارف

أنا اخترت أم الذبيح لتقديم بطاقة تعارفها الأسبوع القادم




بطاقة تعارف الـ admin

الحياة العملية
# - عملت عدد من السنوات مع منظمة دولية خارج مصر
# - اعمل حاليا بجهة سيادية بالدولة
# - صدر لي كتاب متخصص عام 2001 محفوظ لدار الكتب والوثائق القومية طبعا لم يكن لدى النية لإصدار هذا الكتاب ولكن حفظا لحقوق الفكر وسرقة الأفكار تم توجيهي إلى طباعته في كتاب
أحلامي وطموحاتي الشخصية
1- أتمنى حج البيت العتيق
2- أنا مؤمنة بالعلم والتطور واكتساب المهارات خلال سنوات العمر وعدم التوقف ومؤمنة بأن التعلم لا حدود لة ولا سن له " اطلبوا العلم من المهد إلى اللحد "مازالت أحلم بالحصول على منحـــــة دراسية للدراسة بالولايات المتحدة الأمريكية للحصول على درجة الدكتوراه من جامعة نبراسكا لينكون . أعرف أنه أصبح حلم صعب المنال ولكن مازالت أحلم به
3- أتمنى زيادة عدد أعضاء المنتدى ويكون منتدى هادف مفيد يقدم الثقافة محترم له شخصية مميزة مستقلة ونكون كأعضاء وحدة ومجموعة واحدة
4- أكيد أنا أحترم وأقدر كل عضو بالمنتدى سواء له مساهمات فعالة أو لم يساهم بعد. العضوات النشيطات بالمنتدى لهم شكري وامتناني لهم لأنهم عملوا روح للمنتدى بموضوعاتهم المميزة الهادفة البناءة


الهوايات والميول :
1- أعشق السفر والترحال تقريبا زرت – لي جولات وجولات في السفر داخل وخارج مصر للسياحة والدراسة والعمل .
2- أنا تفكيري منظم وعلمي وابتكاري لذلك أميل الى إعداد الدراسات والبحوث العملية المتخصصة فى مجال عملي – ابحث بنفسي وبدافع شخصي وبدون تكليف رسمي عن نقاط البحث والدراسة – لا استطيع أن أقاوم هذا الحب للبحث والمعرفة.
3- أحب القراءات المتخصصة في مجال عملي وفى مجال السياسة قمت بتنزيل عدد 2 برنامج على سطح مكتب الكمبيوتر لتتبع إخبار العالم في كل المجالات
# البرنامج الأول : خاص بالنقل المباشر للأخبار Rss
# البرنامج الثاني : مجهزة سطح المكتب لشريط أخبار متحرك فى كل المجالات
4- أحب مشاهدة مباريات كرة القدم – اعشق فريق النادي الأهلي ولا أفضل الا النادي الأهلي عن بقية الأندية - أحب مشاهدة الأفلام العربية القديمةذات الموضوع والهدف لا تعجبني الأغاني الحديثة الهايفة المفرغة من المعنى والهدف كذلك الكليبات العارية مؤذل للعين والسمع.
5- أجيد الطهي - الأكل المفضل عندي الأسماك – والمشويات -- الفاكهة المفضلة عندى الموز والجوافة والبطيخ --- لا أميل لأكل الأكلات الدسمة – ولا أحب أكل الحلويات ولا أجيد صنع الحلويات والفطائر
6- المنتدى الذي أحبة في منتدى عائلة وزارة المالية
- ركن السياسة
أحبة لأني يجعلنى أتابع أخبار العالم السياسية
- مشوار حياتي
لأنه فكرة صديقة حبيبة لقلبي من بلد عربي ولأنه يقدم مشوار حياه العظماء في كل مكان من العالم فى مجالات متعددة – وفيه علم واستفادة كبيرة لي بصفة شخصية
- مشاهير الأماكن
أحبة لأنه يضيف لي من العلم والمعرفة الكثير


الفشل واليأس فى مسيرة حياتى
# مررت بحياة قاسية صعبة وقابلت الفشل كثيرا ولم أحقق أحلام غاليا كنير لكن احمد الله أنى كنت أقوم من كبوتي وحزني ويأسى وارضي بقضاء الله وليس كل ما يتمناه المرء يدركه

شخصية تستحق الأحترام

ياأطيب admin

تشرفنا

معلش اتاخرت فى الرد عليكوا بس عندى مشكله فى الجهاز
وعايزة قاقول لادمن انها بسم الله مشاء الله عليكى تتحسدى والواحد بعدك يتكسف يكتب اى حاجة وعلى العموم شكرا على الهدية مرسسسسى

اقتباس :

معلش اتاخرت فى الرد عليكوا بس عندى مشكله فى الجهاز
وعايزة قاقول لادمن انها بسم الله مشاء الله عليكى تتحسدى والواحد بعدك يتكسف يكتب اى حاجة

1- وحشتينا --- وقبلنا عذرك علشان مشكلة الجهاز وعودة محمودة- وشكرا على ردك الذوق
2- لن نقبل تهربك من تقديم نفسك انت صاحبة الفكرة
اكتبى عن هواياتك-- طموحك -- دراستك-- أيام جميلة لك -- مواقف محرجة - عن الذبيح
انت نورت وشرف للمنتدى ولازم نعرف بعض الجوانب الاخرى لك بجانب موهبة أختيار الموضوعات
واجادة الرد على موضوعات الأعضاء
3- فى اتظارك

الفكرة جميلة جدا بس الغلط اللى حصل اننا بأننا بدأنا بأدمن المفروض كنا نختم بيها علشان نلاقى كلام نقوله
شخصية فعلا تستحق الحب والاحترام

أعذرينى لاقتباسى تقسيماتك حيث انى لا اعرف التكلم عن ذاتى:-
الحياة العملية :-
تخرجت من كلية التجارة جامعة حلوان دفعة 99/2000 وعملت فى نفس العام بوزارة الزراعة وحدة الخدمات البستانية كمحاسبة بعقد تأمينى وقد تميزت والحمد لله بالتفوق فى المجال العملى وعملت لمدة ست سنوات ثم تفرغت لبيتى وأولادى.

أحلامي وطموحاتي الشخصية:-
ان يوفقنى الله لطاعته ويحسن خاتمتى وان ارى اولادى فى احسن حال وان يصلح الله بينى وبين زوجى ويدوم الحب والاحترام والمودة بيننا.

الهوايات والميول :-
هويتى قراءة القصص القصيرة وسماع النكت وكل شئ يخلى القلب يضحك بمعنى مابحبش النكد

اقتباس :

أحلامي وطموحاتي الشخصية:-
ان يوفقنى الله لطاعته ويحسن خاتمتى وان ارى اولادى فى احسن حال وان يصلح الله بينى وبين زوجى ويدوم الحب والاحترام والمودة بيننا.

تشرفنا بشخصك الكريم
أراكى زوجة محبة لزوجك ولأولادك وتقية تخافى الله
ربنا يحقق أحلامك وآمالك فى الحياة مع أولادك وزوجك

:lovely heart:

شكرا لكى اللهم أحبها كما أحبتنى فى الله

walaa mohamedعضوه رائعه فعلا
اتمنى انى اكون صديقه ليها وربنا يحققلك مقصدك وتكونى زوجه صالحة كما تمنيتى
ربنا يبارك فيكى وعليكى

يأم الذبيح

انت صاحبة فكرة التعارف
والتقارب بين الأعضاء
ومعرفة هوياتهم واهتمامتهم
وحتى اليوم لم تكتبى لنا شئيا عنك
عايزة الأعضاء يتعرفوا عليكى أكثر
وتقومى بدعوة عضوة اخرى لتقديم نفسها بعد
تقديم نفسك
بلاش كسل

:wellllllcome:

اختى الحبيبة ام الذبيح لقد سعد جدا بعرضك للصداقة وانا اتمنى هذه الصداقة منذ اشتراكك فى المنتدى فلقد اعجبتنى جدا جميع موضوعاتك وانتقاءك لها وهذا ان دل سيدل على شخصيه جميلة رقيقة شديدة القرب لله وهذه هى المواصفات التى اتمنها فى صديقة لى
وربنا يخليلك ابنك ويبارك لكى فيه مع العلم ان ابنى الصغير تقريبا فى نفس عمر ابنك

شكرا جدا على الاهتمام ده
والله يا ادمن ده مش كسل بس قله فراغ
وانا مش عيزاكى تزعلى بس انا مكسوفة انجازاتى على ادى يعنى
وانتى ياولاء هستنى منك رساله بأميلك
علشان نتعرف اكتر وكالعادة هنغش من الاصل
وهكتب بترتبها وتصنفها بس على ادى

وانا ادمكم اخيرا واسفه جداا على التأخير
1-حياتى العلميه
بكالوريوس تربية فنيه بس على ادى

2-احلامى وطموحاتى
احلامى كتير أولها طبعا ادعولى يارب اكون انا والى بحبهم كلهم فى الجنه
يحصل ده والباقى كله يهون

اما احلامى فى الدنيا كان نفسى اكمل دراستى بس محصلش نصيب اتجوزت بس يمكن ربنا يسهلها بعدين
بتمنى زوجى يوصل لليتمناه لان ده هيخليه سعيد وانا بفرح اوى لما بيتبسط
ويكون ناجح وربنا يهديه
نفسى اسماعيل يكبر ويبقى راجل بجد ويبقى من (شباب تعلق قلوبهم بالمساجد)يارب ادعوله
وطموحى لنفسى ربنا يهدينى كدة وابقى ست بيت ميه ميه مش نص نص
انا صريحة خالص اه
بس انهارده كده لو افتكرت حاجة هكتبها

3-الهويات والميول
ماشى اكيد هوايتى هتكون زى درستى انا بعشق الرسم متعتى فى الحياه يعنى
بس والله اشتغلت شويه قبل الزواج وشغلى مشى يعنى
بس مجال التسويق امامى كان بسيط فدة احبطنى يعنى
ودلوقتى كالمعتاد اتلهيت فالبيت والولد والحاجات التانيه دى انتوا عارفين
ميول سياسية مشية معايه اليومين دول انا معارضه جداا
ولو قرأتوا اسمى فعمليه انتحاريه متتخضوش
اوعوا تبلغوا عنى smileiiiiing
بحب اتبخ اكلات جديده بس زوجى لا يحب العك بتاعى او اى لخبطة زى البشمل تصوروا
مع انى بموت فالباشميل
بحب الكمبيوتر اوى والنت ده عالم سحرنى ولسه مفوقتش من لطشته يارب افوق
بس كدة كفايه انهارده الى عنده استفسار عن اى حاجة يسالنى


على فكرة اسماعيل عنده سنة وثلاثة اشهر وبس
واسمى الحقيقى محدش يضحك رشا smileiiiiing

فى واحد اسمه اسماعيل ومامته اسمها رشا حاجة غريبه