عائلة وزارة المالية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

عائلة وزارة المالية

طريق واحد
 
الرئيسيةالبوابةأحدث الصورالتسجيلدخول

 

 رباعيات الشاعر صلاح جاهين

اذهب الى الأسفل 
كاتب الموضوعرسالة
cond
Admin
cond


عدد الرسائل : 536
تاريخ التسجيل : 09/09/2007

رباعيات  الشاعر صلاح جاهين Empty
مُساهمةموضوع: رباعيات الشاعر صلاح جاهين   رباعيات  الشاعر صلاح جاهين Icon_minitimeالجمعة نوفمبر 28, 2008 2:51 pm


الجـزء التـاسـع

رباعيات  الشاعر صلاح جاهين T471

أنا قلت كلمة وكان لها معنيين
كما بطن واحدة وتوأمين زي وشّين
لو دنيا شر.. التوأم الخير يموت
لو دنيا خير.. الشر ح يعيش منين
عجبي

*******
أنا اللي بالأمر المحال اغتوى
شفت القمر نطيت لفوق في الهوا
طلته ما طلتوش إيه انا يهمني
و ليه.. ما دام بالنشوة قلبي ارتوى
عجبي
*******
بره الإزاز كان غيم وأمطار وبرق
ما يهمنيش – أنا قلت – ولا عندي فرق
غيرت رأيي بعد ساعة زمان
وكنت في الشارع.. وفي الجزمة خرق
عجبي

*******
عيني رأت مولود على كتف أمه
يصرخ تهنن فيه.. يصرخ تضمه
يصرخ تقول يا بني ما تنطق كلام
ده اللي ما يتكلمش يكتر همّه
عجبي

*******
يا عندليب ماتخافش من غنوتك
قول شكوتك واحكي على بلوتك
الغنوه مش ح تموّتك إنما
كتم الغُنا هو اللي ح يموّتك
عجبي

*******
ياللي بتبحث عن إله تعبده
بحث الغريق عن أي شئ ينجده
الله جميل وعليم ورحمن رحيم
أجمل صفاته.. وانت راح توجده
عجبي

*******
حقرا وفوق كوكب حقير محتقر
في الكون تكون دنياكو إيه يا بقر
رملايه من صحرا؟ لكين إيش تقول
و الكون بحاله جوه عقل البشر
عجبي

*******
ياللي في حماه الشمس تلقي الملاذ
و ألف بكره وبكره.. في ضلوعه لاذ
مين أنت؟ مارد؟ رب؟ قال لأ ده بس
انا اللي باروي القمح واسقي الفولاذ
عجبي

*******
غسل المسيح قدمك يا حافي القدم
طوبي لمن كانوا عشانك خدم
صنعت لك نعليك أنا يا أخي
مستني إيه؟.. ما تقوم تدوس العدم
عجبي

*******
لا تجبر الانسان ولا تخيّره
يكفيه ما فيه من عقل بيحيّره
اللي النهارده بيطلبه ويشتهيه
هو اللي بكره ح يشتهي يغيّره
عجبي

*******


عدل سابقا من قبل cond في الجمعة نوفمبر 28, 2008 2:52 pm عدل 1 مرات (السبب : تغير العنوان)
الرجوع الى أعلى الصفحة اذهب الى الأسفل
 
رباعيات الشاعر صلاح جاهين
الرجوع الى أعلى الصفحة 
صفحة 1 من اصل 1
 مواضيع مماثلة
-
» فى مدح الرسول - الشاعر عبدالله البردونى
» الشاعر نزار قبانى وتشكيلة مختارة من قصائده الشعرية
» خمسة آلاف مشاهد في افتتاح مهرجان قلعة صلاح الدين الايوبي بمصر
» تشكيلة مختارة من قصائد الشاعر الفلسطينى سميح القاسم
» الشاعر الفلسطينى محمود درويش وتشكيلة مختارة من قصائدة

صلاحيات هذا المنتدى:لاتستطيع الرد على المواضيع في هذا المنتدى
عائلة وزارة المالية :: الفنون والثقافة والهوايات :: فنون الشعر-
انتقل الى: