السلام عليكم
النهارده حبيت ابدأ ببرنامج خفيف والكل يمكن لا يقدر اهميه مثل هذه البرامج بس فعلا البرنامج تحفه ....
اعرفكم الاول ان اى حاجه بتعملوها علىالجهاز بيتعملها حاجه اسمها الملفات المؤقته Temp files ودى بتاخد مساحات كبيره عشان تسرع الى بتعملوه انما بمجرد متقفلوا البرنامج الى مشغلينه تبقى ملفات التمب بتعتو مجرد مساحه على الفاضى لان عملها يقف مع توقف البرنامج الى اتعملت عشانو ...
وكمان تمبات الانترنت بمعنى ان اى صفحة تفتحوها يتعملها تمب واى صورة تعرض هكذا وكل دا زى مقلنا عشان يسرع التعامل مع البرامج والنت وكانها بتفتح من عندك على الهارد
طبعا مع الوقت بتتراكم الملفات دى ومحدش بيحس بيها انما المشكله انها ممكن تاخد مساحات توصل لنص جيجا واحيانا اكتر
غير انها بتقل الجهاز لانها حمل عالى على الذاكرة وعلى النظام
البرنامج الصغير جدا والرائع جدا دا بقا بيشيل الملفات دى بسرعة وسلاسة وبضغطه زر
حلوه ضغطه زر دى
البرنامج اسمه CCleaner وحجمه اقل من 3 ميجا
أولا لتحميل البرنامج
http://download.piriform.com/ccsetup205.exeالبرنامج مش محتاج شرح لانه هتسطبه فى ثوانى تفتحه تلاقى قدامك تحت كدا اختيارين الاول اسمه تحليل Analyze دوس عليه هتلاقيه بيفحص النظام ويطلعلك مساحه الملفات الزيادة الى عندك وكل واحد ورزقه بقا ...
بعد متعرف اد ايه دوس على الاختيار التانى التنظيف Run cleaner هيمسح لك كل الملفات الى ملهاش لازمه فى ثوانى ...
يالا جربو بقا وقولولى كل واحد لقا عندو اد ايه والى عندو اكبر مساحة ملفات تمب له عندى جايزه smileiiiiing
انا عارف طولت عليكم بس اصلى لازم اشرح بملل كدا عشان محدش يقول معرفتش استخدمو
السلام ختام
الأحد فبراير 24, 2008 12:50 pm
![783975[1].](/users/1514/11/34/65/smiles/551837.gif)
