cond
Admin
عدد الرسائل : 536
تاريخ التسجيل : 09/09/2007
 | موضوع: " الدكتور زاهى حواس " الأمين العام للمجلس الأعلى للآثار المصرية  الأربعاء مارس 18, 2009 8:10 pm | |
| ** زاهي حواس اتولد في 28 مايو1928 في مدينة دمياط شمال مصر وهو من أشهر الاثريين المصريين المعاصرين و بيحظى بتقدير عالمي في مجال علم الاجيبتولوجي. . زاهي حواس يتقلد الآن منصب الأمين العام للمجلس المصري الأعلى للأثار مشواره
* زاهي حواس في بداية حياته كان ناوي يبقى محامي بس بعدين غير رأيه و درس في كلية الأثار- جامعة اسكندرية- و بعديها عمل ديبلوما في الاثار من جامعة القاهرة و كمل تعليمه في أمريكا وخد شهادة الدكتوراه من جامعة بنسيلفانيا سنة 1987 و من هناك بدأ يدرس و يحاضر في جامعات كاليفورنيا و الجامعة الامريكية في القاهرة. و من سنة 2002 لحد دلوقتي الأمين العام للمجلس الأعلى لللأثار
* كتب مقالة بعنوان ( توت عنخ أمون ما كنش أسود) و صرح فيها تصريح في غاية الاهمية دا نصه ( المصريين ما هماش عرب و كمان ما هماش افارقة على الرغم من وقوع مصر حغرافيا في قارة افريقيا )[2]. و بكدا بيكون لخص وجهة نظرة في موضوع هوية مصر.
* بيتوجه له نقد كتير من بره مصر و من جواها.
- في الغرب في بعض العلماء اللي بيتهموه باحتكار عمليات التدوير عن الاثار في مصر منع بعثات اجنبية كتيرة من الوصول للمواقع الاثرية بحجة انهم ( هواه ) اكتر من كونهم اكاديميين.
- في بعض الناس اللي بتقول انه بينسب اكتشافات العلماء المبتدئين لنفسه و بياخد هو كل الاهتمام و الشهرة
- اصحاب نظرية ان الفراعنة كانو من الجنس الأسود(الزنوج) بيتهموه بانه عنصري و بيشوه تاريخ مصر لانه بينفي ان المصريين القدام كانو افارقه سود. بشكل عام الدكتور حواس بيتجاهل النتقدات دي و ما بيردش عيها غير بجملة انه بيعمل كل اللي ب يعمله دا علشان خاطر مصر و بس
الشهرةبدات شهرة الدكتور حواس لما ظهر في قناة ديسكفري في افلام تسجيلية عن مصر و المصريين القدام و كمان سجل حلقات عرضها التلفزيون الأمريكي في برنامج ( البحث عن الحقيقة)و اللي ناقش فيها مواضيع ب تهم المشاهدين زي المومياوات و الاهرام و توت عنخ امون و كليوباترا و رمسيس التاني. و من اكتر المواضيع السخنة اللي دافع فيها عن تاريخ مصر هو موضوع مين اللي بنى اهرامات الجيزة و رد فيه بشكل علمى على اللي بيقولو ان اليهود هم اللي بنو الاهرامات و غيرهم اللي بيقولو ان سكان الفضاء هم اللي بنو الهرم او حتى سكان اتلانتس. في سنة 1990 اكتشف دكتور حواس اهم اكشافاته الاثرية: المقابر بتاعت العمال المصريين اللي شيدواالاهرام [1] في سنة 2007 اعلن الدكتور حواس عن اكتشاف مقبرة حتبشوت في وادي الملوك في الاقصر و اللي اتوصف بانه واحد من اهم الاكتشفات الاثرية في المية سنة اللي فاتوا. الدكتور زاهي ألف كتب كتيرة في مجال علم المصريات و العلم الاثار. التكريم الأدبى1- وسام العلوم و الفنون من الدرجة الاولى استلمه سنة 1998 من حسنى مبارك 2- اختارته مجلة التايم كواحد من اهم 100 شخصية مؤثرة في العالم سنة 20063- الدكتوراه الفخرية من الجامعة الامريكية في الفاهرة فبراير 2005 :4- اسمه اتكتب على السي دي اللي اتبعت لكوكب المريخ في رحلة الاستكشاف سنة 2003. | |
|
